Вітаем у Social Camp!
Гётэ-Інстытут у Варшаве рады абвясціць аб пачатку Social Camp – новага праекта Еўрапейскага саюза.
Social Camp задумваўся як праект падтрымкі беларускай грамадзянскай супольнасці і рэалізуеццца ў супрацоўніцтве з беларускай экспертнай камандай. Натуральна, у актуальным кантэксце беспрэцэдэнтнага ціску вельмі складана далей казаць пра падтрымку дэмакратычных каштоўнасцяў і развіццё грамадзянскай супольнасці ў Беларусі, аднак мы цалкам упэўненыя, што еўрапейская падтрымка і салідарнасць вельмі патрэбныя беларускаму грамадству.
Разам з Еўрапейскім саюзам Гётэ-Інстытут у Варшаве працягвае шматгадовую працу сваіх мінскіх калег, якую яны вымушаныя былі прыпыніць пасля 25 гадоў існавання Гётэ-Інстытута ў Беларусі, і пачынае праект для беларусаў і беларусак, неабыякавых да будучыні сваёй краіны. Падтрымліваць дух беларускага грамадства ў цяжкі для яго час, ствараць прастору для ўзаемадапамогі – такую мэту мы ставім перад сабой.
Сваю задачу мы бачым таксама ў тым, каб надалей умацоўваць гарызантальныя сувязі ўнутры беларускага грамадства. А таксама стымуляваць стварэнне і імплементацыю праектаў, накіраваных на яго ўзмацненне – унутры Беларусі і сярод дыяспары па ўсім свеце.
Са свайго боку жадаю нашай камандзе энтузіязму ў рэалізацыі праекта, а ўдзельнікам Social Camp – поспехаў і натхнення.
Юлія Ханске
Дырэктарка Гётэ-Інстытута ў Варшаве.
Навіны
Усе навіны
Чаму ў Social Camp такая айдэнтыка?
Дызайнерка праекта – пра натхненне і канцэпцыю.
Партфоліа праекта «Зялёны тэлефон»
Уявіце сабе, што якасць вады ў вашым доме рэзка пагоршылася. Або пад вашымі вокнамі высякаюць дрэвы, і вы не ведаеце, што рабіць. «Зялёны тэлефон» створаны менавіта для такіх сітуацый.
Вынікі другога конкурсу праектаў
У лютым 2024-га Social Camp абвясціў закрыты конкурс праектаў для ўдзельні_ц праграм адукацыі і ментарынгу. Распавядаем, якія праекты атрымалі фінансавую падтрымку ў гэтым годзе.